Persona dakop sa drug buy bust operation sang Capiz PNP

85
Roxas City – Dakop sa ginpatigayon nga drug buy bust operation sang gintingub nga pwersa sang Capiz Provincial Drug Enforcement Unit sang CPPO, PDEA 6 kag Roxas City PNP ang isa ka persona sa Barangay Lawaan, Roxas City.
 
Ginkilala ang subject person kay Joy Sison, 49 anyos ang edad kag residente sang Km.3 Brgy Lawaan, Roxas City. Nakuha sang mga operatiba sa kamot sang suspect ang 21 ka sachet sang suspected shabu nga nagabug-at sang kapin sa 30 grams kag ginabulubanta nga nagabalor sang P200,000.
 
Na-recover man sang mga kapulisan ang P2,000 nga marked money kag mga drug paraphernalia. Samtang magapangatubang naman sang nagakaigo nga kaso si Sison sa paglapas sang RA 9165 ukon Comprehensive Dangerous Drug Act of 2002. Si Sison ang nalakip sa listahan sang mga high value targets sang PNP kag madugay na nga ginpaidalom sa surveillance ang illegal sini nga buluhaton. 
 
Nahibaluan nga ikaduha na ini nga operasyon sang mga kapulisan matapos liwat nga ginbalik ang anti illegal drug war sang PNP, kun sa diin una nga nadakpan diri amo si  Baldwin Chua nga anay katapo sang BJMP nga nakuhaan sang 35 ka sachet sang suspected shabu.

Facebook Comments