Persona ginluthang-patay sa Barangay Astorga Dumarao; Suspek, pilason man matapos nga nabun-an!

1416

Dumarao, Capiz – Patay ang 28-anyos nga lalaki sang ginluthang pasado alas 8 sang gab-i sa Sitio Takay Brgy Astorga Dumarao, Capiz. Gindeklarar nga dead-on-arrival sang gindangat sa isa ka klinika sa Astorga, Dumarao ang biktima nga ginkilala kay Jose Eturiaga Jr y Pacardo matapos nag-angkon sang pilas sa natuo nga porsyon sang iya lawas malapit sa kili-kili. Suno sa inisyal nga imbestigasyon sang kapulisan, nagluntad ang pagsabtanay sa tunga sang biktima kag suspek nga si Vincent Maxian y Hapitan, 34-anyos ang pang-edaron. Nagbalos lamang ang suspek sa pagluthang sang ini ang una nga ginbuno sang biktima sa abaga. Sa subong, gnabulong sa isa ka ospital sa Iloilo ang suspek nga si Maxian. Nahibaloan nga may yara na sang indi paghangpanay sa tunga sang suspek kag biktima.

Facebook Comments