Roxas City, Capiz – Dakop sang mga katapo sang Provincial Drug Enforcement Unit (PDEU) ang isa ka persona sa ginkasa nga buy bust operation sa Provincial Park Brgy Tiza, Roxas City mga 6:45 ang takna kagab-i.
Nakuha sang mga operatiba ang duha ka mga sachet sang suspected shabu sa mga kamot sang subject person nga si Carlito Alisla 62-anyos sang Plaridel Street, Brgy.,8, Roxas City.
Narekober man sang mga kapulisan ang 500 pesos nga marked money kag lima ka tig isa ka gatos ka pesos. Ang nasambit nga suspek ang nakahunong na sa lock up cell sang Roxas City PNP kag natalana nga pagapasakaan sang kaso nga pagbayular sa RA 9165 ukon Comprehensive Dangerous Drugs Act of 2002.
Facebook Comments
