Persona nga nagapakiwal sang pusil sa sulod sang binaylehan sa Tuburan, Maayon, arestado!

Maayon, Capiz – Arestado ang isa ka persona nga nagapakiwal sang ginasukbit nga armasluthang samtang yara sa sulod sang binaylihan sa Brgy Tuburan Maayon Capiz ala 1:30 sang aga.
Ginkilala ang suspek kay Roy Deocampo, yara sa legal nga pang-edaron kag residente sang Brgy Bongbongan, Maayon, Capiz.
Natigayon nga marekober sa iya posisyon ang isa ka unit sang Colt .45 caliber pistol government model lakip ang walo ka mga bala.
Sang ginpangitaan sang permit kag lisensya para sa legal nga pagpanag-iya sang amo nga armas, napaslawan nga makapakita ang amu nga persona kabangdanan ini ang gindakop sang mga kapulisan.