Dumarao, Capiz- Ginkumpirmar ni Police Captain Larnel Frial sang Dumarao PNP nga gin-release na sa kostudiya sang kapulisan ang suspetsado nga nagpanglabo sa isa ka lalaki sa Sitio Agkawayanan Barangay Bunggsuan, Dumarao, Capiz sang nagligad nga gab-i.
Ini makaligad nga natapos na ang reglimentary period sa pagkustodiya sa suspek nga si Priman Bernabe y Padernal, 24-anyos sang Passi City, Iloilo.
Base sa impormasyon, ginlabo sang suspek ang biktima nga si Mamerto Azupardo y Romero, 45-anyos sang Santo Tomas Passi City, Iloilo kun sa diin ginkapilas sini sa iya ulo.
Sang nag-atubang ang pamilya sang mga ini sa police station, nahibaluan nga magparyente man gali ang mga ini gani na-desisyonan na gid lamang nga ipaiway ang pagpasaka sang kaso sa suspek.
📷 Dumarao MPS
