Persona nga suspek sa pagluthang-patay sadto kay Kapitan Elvis Asis sang Lawaan, Roxas City, nadakpan sa police checkpoint sa Nasugbo Batangas!

18

Roxas City, Capiz – Natigayon nga madakpan sang mga kapulisan paagi sa Police checkpoint sa Nasugbo, Batangas ang persona nga ginapahayag suspek sa pagluthang – patay kay Kapitan Elvis Asis sang Barangay Lawaan, Roxas City. Sa amo nga checkpoint, nakuha sa suspek nga nakilala Joey Bacus alias Tata Bacus ang pusil kag bala. Magapangatubang ini sang kaso nga paglapas sa RA 10591 ukon Illegal Possession of Firearms and Ammunitions Act. Mahibaluan nga ang amo nga persona ang may yara sang standing warrant of arrest sa kaso nga murder kag ginapahayag suspek sa pagluthang-patay kay Kapitan Elvis Asis sang Barangay Lawaan, Roxas City sang nakaligad nga tuig 2018. Suno kay Police Lt Col Ricardo Jomuad Jr., natalana nga sugaton sa Batangas pabalik sa Roxas City ang amo nga persona.

Facebook Comments