Davao City – Personal nga bangi ang gilantaw karon sa kapulisan nga motibo sa pagpatay sa usa ka babae atubangan sa Tagum Longford College, Misa District, Magugpo West, Tagum City, Davao del Norte mag alas-5 sa hapon kagahapong adlawa, Agosto 8, 2019.
Sa interbyu sa DXDC RMN Davao kang Anjanette Tirador, spokesperson sa Tagum PNP, giila niini ang biktima nga si Vicky Pelenio, 29-anyos, minyo, taga Brgy. Bangkerohan, Catarman, Northern Samar nga kasamtangang nagtrabaho sa Tagum City.
“Ang gitutukan karon sa mga investigator is naa siya’y threat pero more on personal nga bangi. Ang iyang personal nga bangi dili related sa mga investment. So, mao na sya ang ginatan-aw ‘ron nga lead sa atong mga investigator” saysay ni Tirador.
Sa pagkakaron padayon pang gipalawman sa kapulisan ang ilang imbestigasyon labot sa insidente.
Nasayran nga kini na ang ika upat nga shooting incident sa Tagum City gikan niadtong adlaw’ng Lunes.
RadyoMaN Kirby Manzon
