Sa inisyal nga imbestigasyon nga gipadala ni Officer-In-Charge sa Tagum City Police Station (PS) Police Lieutenant Colonel Jeffrey Latayada sa DXDC RMN Davao, nasayrang igo lang nag abri ang biktima sa gate sa ilang shop sa dihang kalit lang nibutho ang suspect ug sa wala’y pagduha duha gipusil niini ang biktima sa lain-laing parte sa lawas sa makadaghang higayon hinungdan sa iyang hinanaling kamatayon.
Matud pa nga paghuman sa pagpamusil, daling nakaikyas ang nakamotor nga suspect sa wala matinong direksyon hinungdan nga daling nagpahigayon og hot pursuit operation ug checkpoint ang kapulisan.
“Ang posible motive nga nakita is personal grudge. Naay gina-trace ron atong tawo didto sa ubos kay naa man gud tay description sa suspect so, on-going pa ron ang ginatrace didto. Ang pamilya nagstorya base sa ilang pagkakuan, wala man gud silay laing nakita nga nasuko sa katong tao [biktima],” segun ni Latayada.
Gisuwayan pa og dala si Paracha sa balay tambalan apan gideklara na kining dead on arrival.
Sa pagkakaron, nagapadayon pa ang imbestigasyon aron masuta ug makumpirma ang saktong anggulo ug motibo sa krimen.
RadyoMan Ivy Parido
