Una niini, nag-inusarang nagbaktas ang biktima sa dihang kalit lang nibutho ang suspect ug gipusil kini sa makadaghang higayon hinungdan sa iyang hinanaling kamatayon.
Sa interview sa DXDC RMN Davao kang Police Staff Sergeant Virgilio Buhat Jr., imbestigador sa Tagum Police Station, gibutyag niya nga sa ilang inisyal nga imbestigasyon subay usab sa saysay sa asawa sa biktima, nga daan na silang giinitan sa ilang silingan human nakasala ang ilang anak.
”Ang ilang nadawat nga hulga katong sa ilang silingan, katong nakontra sa iyang anak kay mao lagi ng nanghilabot daw. Mao raman daw tong hulga so far sa ila nga ‘magbantay bantay’,” matud sa imbestigador.
Sa pagkakaron, ginasuta pa sa kapulisan an closed-circuit television (CCTV) footage sa establisemento duol sa gihitabuan sa krimen aron masubay ang responsable ug mahatagan og hustisya ang kaso.
RadyoMaN Ivy Parido
