Personal grudge gitudlong rason sa pagpusil patay sa usa ka lalaki sa barangay Conel

17

General Snatos City–Personal grudge ang motibong gitutukan karon sa kapulisan sa pagpamusil patay sa biktimang si Manolo Lasib, legal age, residenti sa Barangay Olympog, Gensan kansa una nang gipusil sa wala pa mailhing suspek niadtong milabayng adlaw, alas 11:00 ang takna sa buntag sa compound sa usa ka motor shop sa may Purok 3, Barangay Conel.

Sumala ni Police Major Alex Lanestosa, hepe sa Police Station 4, walay criminal record sa ilang buhatan ang biktima.


Wala usab kini nalambigit sa iligal nga droga maong personal grudge gyud ang pinakaduol nga anggulo nga posibleng motibo sa pagpatay sa biktima.

Base sa pagsuta sa kapulisan ngadto na sa pamilya ni Lasib nasutang may nakalaban ang biktima ayha pa nahitabo ang pagpamusil patay.

Ang nakalaban niini mao karon ang gikonsiderang person of interest sa PNP sa maong krimen. Hinuon sa karon mas gipalawman pa nila ang imbistigasyon kalabutan sa insidente.

Facebook Comments