Davao City – Gibutyag sa Maco Municipal Police Station (MPS) nga subay sa pagpalawom sa imbestigasyon ‘personal grudge’ ang motibo sa pagpusil-patay kang Jorlan “Bon” Sacay, ang Sangguniang Kabataan (SK) Chairman sa Barangay Binuangan, Maco, Davao de Oro, nahitabo niadtong July 18, 2023.
Sa interbyu sa DXDC RMN Davao kang Police Lieutenant Colonel Emerson Pugong, Chief of Police sa Maco MPS, iyang gisulti nga naila na ang tulo ka suspek nga gitakdang kasohan og murder.
“May na-focusan na din tayo na makasohan. So ang motive din nito pagka-evaluate namo, naging personal grudge na sya,” butyag ni Pugong.
Nasayrang miabot sa P2.5 million ang reward money gikan sa provincial ug municipal government aron mapadali ang imbestigasyon sa krimen.
RadyoMaN Kirby Manzon
Facebook Comments
