Davao City – Personal nga bangi ang ginatutokan karong motibo sa kapulisan sa pagpusil-patay sa usa ka lalaki sa Rotary Park, Pioneer Avenue, Barangay Magugpo Poblacion, Tagum City, Davao del Norte pasado alas 5:00 sa buntag, Abril 21, 2024.
Sa report nga gipadala sa DXDC RMN Davao gikan ni PLtCol. Jeffrey Latayada, hepe sa Tagum City Police Station, nasayran sa imbestigasyon nga namasahero ang biktima sa dihang usa ka wala mailhing lalaki ang mipusil sa biktima sa kaduha ka higayon, hinungdan sa iyang hinanaling kamatayon, samtang luwas ra usab ang iyahang pasahero.
Sa crime scene, narekober sa otoridad sa bulsa sa biktima ang resibo nga adunay nakapangalan sa usa ka Nasser Arakama, taga Mabini, Davao de Oro.
Gawas sa personal grudge, nagpadayon ang imbestigasyon sa kapulisan sa posible pang anggulo o motibo sa krimen.
RadyoMaN Kirby Manzon
Facebook Comments
