Davao City – Aduna nay nadakpan ang kapulisan sa Tagum City atol sa dragnet operation nga mao karoy ginaimbestigahan kung kini aduna bay kalambigatan sa pagpamusil-patay niadtong December 30, 2023 sa Purok Talisay, Brgy. Visayan, Tagum City.
Sa impormasyong gipadala ni PLTCOL Jeffrey Latayada, chief of police sa Tagum PNP sa DXDC RMN Davao, iyahang gibutyag nga sikop ang usa ka Jumar Enanoria sa Apokon checkpoint tungod sa pagsupak sa RA 10591 o ang pagbaton og illegal nga armas.
Subay niini, subject for laboratory and ballistic examinations na ang nakumpiskang armas kung mukonekta ba kini sa maong shooting incident.
Dugang ni Latayada nga duha ka anggulo karon ang ginapanubayan sa mga imbestigador nga mao ang personal grudge ug drug involvement sa biktima.
Kahinumdoman nga ang biktimang si Leonido Magsino Jr. gipusil samtang nagdula kini og billiard pasado alas 9 sa gabii.
RadyoMaN Ivy Parido
Facebook Comments
