Personal nga bangi gilantaw sa pagpusil sa ga-deliver og pandesal

Davao City- Nakahiagom og samad sa walang bahin sa ulo ang usa ka ga-deliver og pandesal human kini gipusil pasado alas-4:00 sa buntag sa may Sitio Lubo, Brgy. Zone I, Sta. Cruz, Davao Del Sur.

Kasamtangan naka-admit karon sa Davao Del Sur Provincial Hospital ang biktimang si Jonathan Cuevas, 26 anyos ug residente sa Sitio Curasi, Brgy. Tuban, Sta. Cruz, Davao Del Sur.

Sa interbyu sa RMN Davao kang Police Major Crisaldo Gaila, Sta. Cruz PNP Chief Of Police, personal nga dumot o bangi tungod sa negosyo ang gilantaw nga motibo sa pagpusil sa biktima.


“Naa namiy anggulo, naa namiy lead. Sa pagkakaron katong among lead amo pang pangitaan og dugang data, mga detalye. Aron ma-identify gyod nato og tarong ang katong tao nga naghimo,” sumala niini.

Sa imbestigasyon, kalit lang gipusil ang biktima sa gun man sa iyahang likuran.

Padayong ginaila pa sa kapulisan ang suspek sa krimen.

RadyoMaN Aimee Guinita

Facebook Comments