Daku ang gintaas sang personal remittances sang mga Overseas Filipino Worker (OFWs) sa una nga 10 ka bulan sang 2018.
Suno sa Bangko Sentral ng Pilipinas (BSP), naghampak sa 26.5 billion dollars ang personal remittances, kag sini lang nga Oktubre , naglab-ot na ini sa 2.8 billion dollars.
Mas mataas na ini sang walo ka porsyento ikumpara sa narecord nga 2.6 billion dollars sa kaangay nga panahon sang 2017.
Naghampak naman sa 23.8 billion dollars ang cash remittances sa una nga pulo ka bulan sang 2018.
Mas mataas ini sang 3.1 percent ikumpara sa 23.1 billion dollars sang 2017.
Nahibaluan nga kadam-an sa mga cash remittances ang naghalin sa Estados Unidos, Saudi Arabia, United Arab Emirates, Singapore, Japan, United Kingdom, Qatar, Canada, Germany kag Hong Kong.
(photo from web)
