Davao City – Gipanawagan sa Public Employment Service Office (PESO) Davao ang mga nagapangita og trabaho nga mag andam sa ipahigayong job fairs sunod semana.
Matud ni PESO-DAVAO Manager Lilibeth Pantinople atol sa pakighinabi ni RadyoMaN Misel Miral-Galve sa Serbisyong Straight to the Point, gibutyag niini nga adunay pagahimuon nga job fairs sa nagkadaiyang mga distrito nga magsugod karong Enero 26 sa Gutangco Gym, Enero 29 sa Tamayong Multi-Purpose Hall, Enero 31 sa Calinan Gym ug Philippine Women’s College of Davao, Pebrero 8 sa Mintal Gym, Buhangin ug sa Barangay Bayabas Toril Gym.
Subay niini, nagpahimangno ang PESO-Davao sa mga buot makabaton og trabaho nga inig muadto na sila sa mga nahisgutang mga lugar ug petsa, dalaon lamang ang mga kinahanglang dokumento ug mag suot og business attire.
Alang sa dugang nga mga impormasyon, bisitaha lang ang PESO-Davao facebook page o mutawag lang sa ilang numero nga 233-6890.
Reil Toñaco Aman, UM MassCom intern
