Davao City – Gipanawagan sa Public Employment Service Office kun PESO-Davao ang mga job seekers nga mag-andam alang sa job fairs nga pagahimuon karong bulana ug sunod bulan.
Sa pakighinabi kang Lilibeth Pantinople, PESO-Davao manager atol sa interview ni RadyoMaN Misel Miral-Galve sa Serbisyong Straight to the Point, gibutyag ni Pantinople nga adunay job fairs nga pagahimuon karong umaabot nga Nobyembre 27 ug Disyembre 7 ning tuiga diha sa UM Bolton Gym.
Matud ni Pantinople nga daghang kumpanya ang musalmot sa maong aktbidad diin alang lang kini sa local applicants.
Gihangyo usab niini ang mga job seekers nga magdala og mga dugang documents ug dili lang resume sama sa school records ug certificate of employment alang sa mga dunay work experience ingon man magsuot og formal attire atol sa interview.
Gawas sa nasangpit nga job fairs, mamahimo usab muadto sa PESO Davao office nga nahimutang sa Almendras gym compound sa may Quimpo Blvd. ning syudad alang sa uban pang mga bakanteng trabaho diin sa karon adunay kapin 2,000 jobs ang available alang karong bulana ug nag una diha ang ginapangitang call center agents, sale associates, construction workers ug uban pa.
RadyoMaN Renz Barbarona
