Davao City – Mag depende sa pinansyal nga kakayanon sa pet owners kung pila ka mga hayop ang iyang panag-iyahan.
Kini mao ang ginastudyohan karon ni Committee on Health chairperson Dra. Josephine Villafuerte atol sa natigayong Pulong Pulong ni Pulong sa adlaw’ng Martes kinsa miingon nga ilang tun-an kung gi-unsa sa lokal nga panggamhanan sa syudad sa Marikina ang pamaagi sa hugot pagdili sa pag-alaga og hayop ilabi na sa urban poor areas.
“Ingon pa nila wala na gani lugar sa tawo asa nalang kaya ibutang ang mga hayop?,” segun niini.
Gipasabot sa 3rd district councilor nga mutaas lang ang animal bite incidents sa maong lugar ingon man dugang gastos sa panggamhanan sa pagpalit og vaccines.
Gikanayon usab ni Villafuerte nga gumikan sa worldwide shortage sa anti-rabbies vaccine karon kinahanglan kambyoan ang palisiya bahin niini.
“Pag malayo sa face, neck, and brain i-observe na yung animal for 14 days hanggang sa mamatay tapos dalhin yung head sa DOH where it could be tested kung may rabies sa brain and then automatic injection-an yung tao,” pagpasbot niini.
Subay niini gi-awhag sa konsehal ang katawhan sa responsableng pag-amuma sa mga gipanag-iyahang hayop ilabi na kung naka-eksperyensa og ‘heat’ ang babayeng iro kung asa agresibo kini.
RadyoMaN Jason Amisola
