Ginhold-up sang apat ka mga suspek ang Petron Gasoline station sa Baldoza, Lapaz pasado alas 7 sini lang nga gab-i (Nov. 28).
Subong man, wala sang may nakuha ang mga suspek matapos nagbatu ang cashier kag nagsinggit ang gasoline boy kon sa diin kinulbaan ang mga ini kag madasig nga nagpalagyo.
Suno kay Boy Peregrino, nga hinali lang nga nagpalapit ang apat ka lalaki kon sa diin duha sa mga ini ang armado sang pusil kag gulpi siya nga gintayaan kag nagdeklarar sang hold-up.
Duha sa mga suspek ang nagsulod sa may cashier agud kuhaon ang kuwarta, apang luntad ang pukutay sa tunga sang cashier kag mga suspek.
Nagsinggit man sang hold-up si Peregrino kabangdanan nga nagwaras ang mga suspek kag nagdalagan palayo nga wala sang may nadala nga kuwarta.
Nahibaluan nga wala sang guwardiya ang nasambit nga gasoline station.
