Gin-abrubahan na sang Commission on Elections en banc ang hagda nga pag-postpone sang filing sang certificate of candidacy (COC) sa orihinal nga petsa para sa 2019 midterm elections.
Suno kay COMELEC spokesperson James Jimenez, gin-saylo na sa October 11 – 17, 2018 ang pagfile sang COC gikan sa una nga schedule nga October 1 – 5.
Sang nagligad nga Martes sang nakapasar sa Kamara ang concurrent resolution ni House Speaker Gloria Macapagal Arroyo nga nagahinyo sa pag-postpone sang isa ka semana sang COC filing rason nga magadungan ini sa una nga schedule sang mga mamalidha angut sa 2019 budget.
Una na nga ginpahayag ni Jimenez nga may ‘domino effect’ sa mga aktibidad angut sa eleksyon kun isulon ang filing sang COC.
Apisar sini ginpasigurado sang opisyal nga wala na sang mangin extention of hours sa ulihi nga adlaw sang pag-file sang mga nasambit nga dokumento.
Ginpaathag man sini nga bangud natu-on sa adlaw sang Huwebes ang October 11, wala malakip ang weekends nga October 13 kag 14 sa mga schedule nga pwede mag-file sang COC. -RCSG/iFM News
