CAUAYAN CITY – OPISYAL NANG BINUO NG PROVINCIAL GOVERNMENT OF ISABELA (PGI) ANG PROVINCE OF ISABELA COOPERATIVE UNION (PICU), ISANG BAGONG ORGANISASYON NA LAYONG PALAKASIN AT PAG-ISAHIN ANG MGA KOOPERATIBA SA BUONG LALAWIGAN.
ITINATAG ANG PICU SA ISINAGAWANG 3RD CONSULTATIVE MEETING AND ELECTION OF OFFICERS SA PCLEDO FUNCTION HALL, KUNG SAAN 25 KOOPERATIBA MULA SA IBA’T IBANG BAHAGI NG ISABELA ANG UNANG NAGING KASAPI.
ANG PAGTITIPON AY PINANGUNAHAN NG PROVINCIAL COOPERATIVE, LIVELIHOOD AND ENTERPRISE DEVELOPMENT OFFICE (PCLEDO) KATUWANG ANG DEPARTMENT OF AGRARIAN REFORM (DAR)–ISABELA AT COOPERATIVE DEVELOPMENT AUTHORITY (CDA) REGION II EXTENSION OFFICE.
BINIGYANG-DIIN NI PROVINCIAL ADMINISTRATOR ATTY. CHRISTOPHER A. MAMAUAG ANG MALAKING PAPEL NG MGA KOOPERATIBA BILANG “INDISPENSABLE ECONOMIC PARTNERS” AT “ECONOMIC BOOSTERS” NG LALAWIGAN.
DAGDAG PA RITO, INILARAWAN NAMAN NI PCLEDO OFFICER RIC-JUSTICE E. ANGOBUNG ANG BAGONG UNYON BILANG “PUSO AT KALULUWA NG KILUSANG KOOPERATIBA” NA MAGSISILBING IISANG TINIG, MAGPAPALAWAK NG AKSES SA MGA MAHAHALAGANG YAMAN, AT MAGTATAGUYOD NG MAS MATIBAY NA UGNAYAN AT PAGTUTULUNGAN SA HANAY NG MGA KOOPERATIBA.
