Dipolog City – Gisulod sa wala mailhing tawo ang usa ka pharmacy nga nahimutang diha sa lacaya st. barangay Central, ning dakbayan sa dipolog, atbang sa central public market, niadtong sabado sa kadlawon.
Naalarma ang kapulisan sa dipolog dihang nakadawat og tawag gikan sa usa ka ni ret. spo4 Geroncio Supat, sinaligan sa Cherry Pharmacy Store nga iya ni George Brillantes ang nagpahibawo nga gisulod sa wala mailhing tawo ang iyang gimonitor nga tindahan.
Base sa imbestigasyon ngadto sa cahier sa pharmacy nga si Flory Taray nibutyag nga pasado alas 7:50 sabado buntag, sa ilang pag-pangabri iyang nabantayan nga nairog na ang air conditioning unit diha sa luyo sa building.
Samtang sa ilang pagsud nasuta abli na ang small safety deposit box og nahanao ang sulod niining kuwarta hinungdan nga daling nanawag sa kapulisan ug sinaligan sa tag-iya.
Ang kapulisan nibutyag nga nakasulod ug nakagawas ang mga kawatan diha sa buho nga giplastaran sa aircon.
Sa gihimong imbentaryo sa nahanao’ng kuwarta mokabat ngadto sa P65, 640.40 nga halin sa pagpaninda.
Sa pagkakaron, ang kapulisan sa dipolog padayon pa sa ilang gihimong imbestigasyon aron mailhan ang responsable o ba kaha mga responsabli. (rm)
