Davao City – Gipahinumduman karon sa PhilHealth XI ang mga miyembro bahin sa transaksyon sa mga ospital sa gobyerno.
Sa pakighinabi kang Kleah Dublin Guevarra atol sa interview kaniya ni RadyoMaN Misel Miral-Galve sa Serbisyong Straight to the Point, gipaabot niini sa kahanginan ang Regional Advisory sa PhilHealth diin kinahanglan magbantay sa mga bogus kun mga kadudahang lihok atol sa transaksyon sa mga balay tambalanan.
Matud pa nga ang adunay employee ID ug nakasuot og official uniform lang sa P-CARES ang awtorisadong duolan kun mag-assist sa mga transaksyon bahin sa PhilHealth.
Gitino usab niini nga ang hospital employee/staff nga na-assign sa pagproseso sa PhilHealth claims dili opisyal nga representative sa korporasyon.
Gani gitambagan karon ang mga miyembro nga og adunay concerns o complaints, didto lang diretsong makigtransak sa P-CARES nga gimungtar sa ospitals.
Alang usab sa dugang pangutana bahin niini, mamahimong manawag lang sa Public Affair Unit o PAU nga mao ang 295-2133.
RadyoMaN Renz Barbarona
