Davao City – Gipagula na sa Philhealth ang PhilHealth Circular No. 2020-0007 “Guidelines on the Provision of Special Privileges to those affected by a fortuitous event (Revision I)” ug gisabot og unsay naa niini karon nga nag-atubang sa krisis ang nasud Pilipinas.
Sa pakighinabi sa DXDC RMN Davao kang Johanna Blason sa Philhealth-Davao, unod sa maong circular no. mao ang extension sa deadline sa payment sa 1st quarter diin hangtod pa kini karong April 30, 2020 ug wala kini penalty.
Dugang niini, ang mga miyembro nga dunay kulang sa contribution o wala kabayad, maka avail gihapon sa mga serbisyo karong panahona bisan sa unsang type sa accommodation ang i-avail.
Matud pa nga dili na kinahanglan ang Member Data Record o MDR sa pag-avail sa benefits gani ang mga unregistered patient o wala pa kapa miyembro, maka avail usab sa benepisyo sa Philhealth ug kinahanglan lamang nga ang PRMS o form sa pagpamiyembro ug supporting documents i-sumite sa ospital mismo ug dili na muadto sa Philhealth offices.
Ang mga nasangpit matud pa pipila lang sa mga nalakip sa maong guidelines gani sumala ni Blason nga tanang na-ospital ug bisan unsa nga balatian bisan di COVID-19 maka avail gihapon sa benepisyo hangtod kini sa panahon nga wa pa gibakwi ang public health emergency.
RadyoMaN Renz Barbarona
