PhilHealth, hinimok ang mga miyembro na patuloy na magbayad ng kanilang kontribusyon

798

Nanawagan ang Philippine Health Insurance Corporation (PhilHealth) sa mga miyembro nito na patuloy na magabayad ng kanilang kontribusyon sa gitna ng alegasyon ng korapsyon sa ahensya.

Ayon kay PhilHealth Senior Manager Rey Baleña, nakikiusap siya sa publiko na patuloy na suportahan ang ahensya sa kabila ng mga hamong hinaharap ng tanggapan.

Iginiit ni Balena na ang dagok na dinadaanan ngayon ng PhilHealth ay para sa ikabubuti ng ahensya.

Batid nila na may ilang miyembro ng PhilHealth ang may alinlangan na sa pagbabayad ng kanilang kontribusyon.

Kapag nahinto ang pagbabayad ng mga miyembro ng kanilang kontribusyon ay mapipilayan din ang mga programa ng PhilHealth.

Pagtitiyak ni Balena na patuloy ang operasyon ng PhilHealth habang ito ay iniimbestigahan.

Facebook Comments