Davao City – Giklaro sa Philippine Health Insurance Corporation (PhilHealth) Region XI nga nagsubay sa existing rules and regulations on the provision sa Interim Reimbursement Mechanism (IRM) ang tanang IRM nga gina-release sa PhilHealth.
Kini subay sa ilang gipagawas nga opisyal nga pamahayag subay sa alegasyon nga adunay nahitabong ‘favoritism’ o kurapsyon sa pag-release sa IRM funds partikular na sa Southern Philippines Medical Center (SMPC) alang sa COVID-19 patients nga miabot sa P326 million, mas dako itandi sa nadawat sa pipila ka ospital sa kaulohan sama sa UP-PGH nga usa sa nauna nga COVID-19 referral hospital sa nasud.
Sumala ni Department of Health (DOH) Undersecretary Leopoldo Vega pinaagi sa text sa DXDC RMN Davao nga ang SPMC ang pinakadakong government hospital sa Pilipinas diin aduna kini 15-bed capacity ug adunay 3,600 personnel.
Nagbaton usab ang ospital sa mga integrated specialty buildings nga stand alone sama sa Heart Institute, Institute for Women and Newborn Care, Orthopedic and Rehabilitation Institute, Cancer Institute, Intensive Care Complex ug Main hospital for General Medicine and Surgery.
Gawas niini ang SMPC usab ang adunay pinakadakong hemodialysis with 65 dialysis chairs.
Ang SPMC usab nagbaton sa pinakataas nga Philhealth income nga miabot sa P1.2 billion niadtong 2018-2019.
Ang IRM nag base usab sa monthly average o ang track record of reimbursement sa tuig 2018-19.
RadyoMaN Kirby Manzon
