Philippine Agriculture Journalist, Inc. naghimo ug forum sulod sa duha ka adlaw dinhi sa dakbayan sa Dipolog ubang ang mga mga pipila ka ahensya sa Gobyerno.
Kagahapong adlawa gihimo ang Agri-Journalism Activity didto sa may Top Plaza hotel pinaagi sa taga Department of Agriculture (DA) may kalabot kini sa pag usab sa klima dinhi sa atong kalibutan.
Usa sa mga highlight mao ang Climate Change: Nasabtan Nimo? Dala sa temang “Mobilizing Science for Climate Change: Agriculture & Food Security: Engaging the Zamboanga Regional Media: duha kini ka adlaw nga kalihukan gikan gahapon hangtod karong adlawa.
Kini nga aktibidad gisalmutan kini sa nagkadaiyang ahensya gobyerno o Inter Agency lakip usab anaa ang mga local media dinhi sa Dipolog.
Tumong sa maong duha ka adlaw nga kalihukan mao ang pagsabot kun unsa kini ang climate change ilabi na sa hisgutanang pang agrikultura, komunikasyon sa climate change pinaagi sa written stories ug komentaryo, pagsulat, pagpublikar ug broadcast stories may kalabot sa climate change.
Dugang pa niini mao ang mamhimo nga aktibo sa matag Regional Disaster Risk Reduction Management Council.
Mitambong usab si Mayor Darel Uy sa maong aktibidad usa sa iyang gipaabot nga mensahe mao ang mga problem nga masinati dinhi sa dakbayan sa Dipolog ilabi na ang mga pagbaha panahon nga adunay kusog nga ulan.
Dako kini nga tabang alang sa mga local media tungod kay makahatag ug dugang kahibalo ug giya sa angay nga pagabuhaton kun mag sulat ug mga artikulo tungod kay ang mga dinapit nga mga mamumulong mga batikan nga mga Broadcast Journalist sa radio, television ug sa print media.
Kini nga aktibidad ika 14 na kini ka higayon sa paghimo sa maong forum pinaagi sa Philippines Agriculture Journalist, Inc. gani kahibaloan gihimo na usab kini ubang nasud sama sa Vietnam, Laos, ug Combodia.
Karong adlawa byernes ang DA maghimo kini sila ug tour sa mga agricultural area sa DA nga kung diin mao ang ilang gihimo nga pilot testing area ilabi na sa hisgutan sa pagpananom ug pagpamuhi sa mga hayopan.
Lauman nga dili lang kini ang katapusan nga higayon sa paghimo ug Journalism activity apan lauman nga aduna pay lain nga kalihukan susama niini dinhi sa atong probinsya sa Zamboanga del norte.
