Jamindan, Capiz – Nag-akto gid lamang ang Philippine Army kag PNP sa arrest warrant nga ginpapanaog kontra kay Baltazar Saldo nga nasal-an nga NPA member.
Ginpahayag ni Captain Cenon Pancito III, spokesperson sang 3rd Infantry Division nga nagbase gid lamang sila sa ginsumpaan nga salaysay kag impormasyon nga ginhatag sang witness nga nagatudlo kay Baltazar Saldo nga amu si Virgilio Paragan. Si Paragan ang anay komander sang New Peoples Army sa Negros sa diin may yara sang ginapangatubang nga duha ka counts sang kaso nga murder kag frustrated murder.
Suno kay Captain Cenon Pancito III, sa subong wala pa nila ginakabig nga “mistaken identity” ang natabo bangud padayon pa ang pagkolekta nila sang dugang nga mga impormasyon angut sa personalidad ni Baltazar Saldo.
CTTO
