Davao City – Gibutyag sa Pastors Auxiliary Chaplaincy International Mindanao Chapter head nga wala gihapo’y kausaban ang Barangay ug Sangguninang Kabataan election sukad niadto ug sa taliabot nga Mayo 14 ning tuiga.
Kini ang obserbasyon ni Mindanao Coordinator Dr. Arman Erandonia nga wala gihapoy kalainan ang mahimong dagan sa eleksyon sa Barangay ug Sangguniang Kabataan karong buwan sa Mayo.
Sa lantaw ni Erandonia, parehong wala ma-utro ang kinaiya sa mga botante ug sa mga kandidato diin panahon sa piniliay, dili gayod mawala nga masambugan og hugaw ang tigi nga magpa-init sa bugnong lugaynon.
Dili sumala pa malilong nga hangtud karon wala pa gihapon naghamtong ang mga botante sa pagpili og mga kandidato sa eleksyon.
Gani, daghan pa gihapon sa mga botante mudawat og saborno sama sa noodles, tinapa, ug sapi gikan sa mga politiko isip bayad sa gibaligya nga boto.
Sanglit patay naman ang dalan sa kahigayonan sa kinatibuk-ang transpormasyon sa piniliay sa Barangay ug SK, nanawagan si Erandonia sa kagamhanan nga undangon na lang ang eleksyon.
Dugang pa ni Erandonia nga daghan untay angayan ug takos sa position apan ang problema lang dili botaran ug mudaog sa piniliay tungod kay kadaghanan sa mga botante masilaw pa sa sapi sa mga kandidato.
RadyoMaN Joel Viray
