Davao City – Anaa pa sa maayong kahimtang ang mga hospital sa Pilipinas nunot sa COVID-19 crisis.
Kini ang gibutyag ni Department of Health kun DOH Undersecretary Dr. Leopoldo Vega atol sa pakighinabi kaniya sa Straight to the Point Morning Edition.
“Makita sa dashboard nga sa Pilipinas, okay, wala ta sa danger zone pwera lang sa NCR, CALABARZON area. Mao ni nagaabot og 70% nga (critical care) utilization,” segun ni Vega.
Gani subay niini, gitataw ni Vega nga importante gayud ang ginapatumang ‘zoning strategy’ kun localized lockdown aron ma-contain ang virus ug di kini magtakod-takod sa uban pang lugar ug di mudaghan ang ma-admit sa ospital.
“Importante ang localized lockdown o zoning containment. Kung ang usa ka barangay taas ang infection rate, i-contain sila for 14 days nga di makatakod sa lain,” dugang ni Vega.
Gawas sa nasangpit nga istratehiya, angay matud pa nga pakusgan ang prevention ug detection diha sa pagpugong sa COVID-19 cases.
RadyoMaN Renz Barbarona
