Davao City – Palig-onon una ang political party system sa nasud adiser magpatuman og ‘no term limit’ alang sa tanang magpapili ug mulingkod sa katungdanan sama sa laraw ni House Speaker Pantaleon Alvarez.
Ang political party system sa nasud maoy tinuod nga problema ug wala sa pagwagtang sa limistasyon ug paglugway sa taas nga katuigan sa paggunit og gahom.
Busa kun magpabilin nga huyang ang politikanhong aspeto sa nasud wa gihapoy kapuslanan ang no term limit nga itugyan ngadto sa magrenda sa panggamhanan.
Si Professor Dr. Adrian Tamayo nagsulti nga maayo ang ‘no term limit’ kay niana makita sa publiko ang agi unya sa mga mulingkod ug milingkod sa kagamhanan.
Dako’g mahimo ang mga lideres sa lokal ug sa nasudnong gobyerno kun taas ang termino sa ilang pag-serbisyo ikumpara karon nga mulontad lang og tulo ug unom ka tuig ang limitasyon sa pagserbisyo.
Apan pwede makawang ang pagpangalagad sa mga opisyales sa taas nga panahon kun huyang ug dili lig-on ang pundasyon sa political party system sa Pilipinas, dugang pagsaysay ni Dr. Tamayo.
Tungod sa limitasyon sa termino daghan sa mga programa ug mga proyekto nga ikaayo unta sa nasud ang dili matapos-tapos gumikan sa kahamubo sa panahon sa pagpangalagad sa mga politiko.
Kun tugotan ang mga anaa sa gahom nga sila makaserbisyo sa taas nga termino hayan daghang matapos nga mga proyekto ug mas makaalagad pa sila og maayo sa publiko.
Apan ang problema lang lagi kun ang lider makagamunit sa gahom walay pulos mahulog nga luoy ang katawhan busa makuti nga pagtuon sa no term limit ang angay igugol niini, sumala pa sa propesor.
RadyoMaN Joel Viray
