Davao City – Suportado sa ‘New Guardian for Freedom and Democracy’ (NFGD) ang pagsugod og pagproseso sa National ID System aron ipang-apod-apod sa tanang mga Pilipino sa tibuok nasud.
Gibutyag ni NGFD National Pres. Tito Porras nga dugay na nilang gisuportahan ang National ID System ug gani mao kini ang hugot nga panawagan sa ilang hut-ong.
Gani una nang gikalipay ni Porras ang paglusot niini sa Kongreso hangtud napirmahaman ni Pres. Rodrigo Duterte sa miaging mga adlaw.
Segun ni Porras nga dili angay mahadlok ang katawhan aning National ID System tungod alang lang kini sa kaayohan ug proteksyon sa tanan batok sa hulga sa mga kriminal ug terorismo.
Gipamugos pa ani, ang malisang ug magkisikisi lang sa National ID System kadto lamang mga tawo nag-himo og dautan ug direktang may koneksyon sa teroristang CPP-NPA-NDF.
Gi-alkontra ni Porras ang banat sa mga militante ug sa mga kritiko nga gamiton ra sa gobyerno ang national ID aron makakuykoy og mga impormasyon sa mga misungag sa kagamhanan karon.
Kung unsay matud pa ginabuhat sa gobyerno ginakontra sa mga kakaubanan ni Jose Maria Sison nga mao ang mga militante butang nga gibatikos og maayo sa usa sa mga anti-communist advocate sa nasud.
RadyoMaN Joel Viray
