Davao City – Subling gipahinumdum sa Philippine Institute of Volcanology and Seismology (PHIVOLCS) sa publiko nga kinahanglang preparado ug magpabiling alerto ilabina sa mga dili matagnang kusog nga mga linog.
Sa interbyu sa DXDC RMN Davao kang PHIVOLCS Director Renato Solidum, dako og tabang kung kanunay ang pagpahigayon og earthquake ug tsunami drill aron masayod ang publiko sa mga angayang himuon ug kung asa mo-evacuate panahon sa katalagman.
“Ang lindol na malalakas at biglaan, kaya dapat ang ating mga kababayan ay hangdang-handa na magresponde ng tama sa pagyanig, lindol o ground shaking na tinatawag,” sumala niini.
Kinahanglang palig-onon ang mga balay o establisemento, ipalayo ang mga bug-at nga kagamitan nga delikadong matumba atol sa pagtay-og. Sayron sa sulod sa panimalay kung asa ang gawsanan (exit) ug evacuation sites.
Walay natalang major damages o casualty atol sa linog pasado ala 1:00 sa kadlawon kagahapong adlawa, Agosto 12, 2021.
Sumala kang Solidum, nilihok ang mga bato sa Philippine Trench nga maoy hinungdan sa kusog nga linog.
RadyoMaN Aimee Guinita
