PHIVOLCS: Mga kusog nga linog lauman human sa magnitude 6.3 sa Magsaysay, Davao del Sur

47

Davao City- Posibleng masundan pa og laing serye sa Magnitude 6 nga mga linog ang Mindanao human sa Magnitude 6.3 nga linog niadtong Dominggo sa udto diin ang epicenter niini sa Magsaysay, Davao del Sur.

Sa interbyu sa RMN Davao kang PHIVOLCS Director Renato Solidum,tungod sa paglihok sa Makilala- Malungon fault lauman ang paglihok sa ubang fault lines nga anaa sa Cotabato ug Davao del Sur areas.


“Ang mga lindol ay naging sunod-sunod dahil iyong pagkilos ng isa ay naitulak iyong kalapit na fault, parang may domino effect. Sa ating analysis posibleng magkaroon pa ng malakas na lindol sa lugar ninyo kasi hindi lahat ng energy na naipon sa mga faults ay nai-release, kung kailan ito mangyayari hindi natin masasabi.” Sumala ni Solidum.

Kahinumduman nga niadtong Oktobre 2019, nakatala og serye sa Magnitude 6 nga linog ang Mindanao nga linog samtang niadtong Disyembre 2019, niigo usab Magnitude 6.9 nga linog diin ang epicenter ang sa Magsaysay, Davao del Sur.

Pahimangno ni Solidum sa publiko nga dili iubos ang alerto ug mangandam kanunay.

Angayang ipasuta sa mga engineers ang mga istruktura ilabina kadtong nangadamyos na o naa nay mga nakitaan og mga liki tungod sa linog.




Kinahanglang pulido ang pagkahimo sa mga istruktura ug gambalay nga nagsubay sa bulding code ug tama ang mga materyales nga gamiton aron lig-on kini inig adunay mahitabong pagtay-og.

RadyoMaN Aimee Guinita

Facebook Comments