Davao City – Makonsiderang anaa sa ‘the big one’ category ug major earthquake ang natigayong linog alas 8:23 sa gabie, adlawng Huwebes Enero 21, 2021 apan tungod sa kalalom sa gigikanan sa paglihok sa Philippine Trench dili kini destructive ug walay nahitabong tsunami.
Kini matud kang Renato Solidum Jr., Director sa Philippine Institute of Volcanology and Seismology (PHIVOLCS) sa interbyu sa RMN Davao.
“In terms of magnitude (Big One Category), malakas po iyon, talagang posibleng magkaroon ng major damages kung nasa lupa siya,” sumala ni Solidum.
Matud ni Solidum, walay major damages ug casualties sa mga areas sa Mindanao diin nabatian ang maong linog.
Gibutyag ni Solidum walay koneksyon ang Magnitude 7.1 nga linog dinhi sa Mindanao ug sa Indonesia.
RadyoMaN Aimee Guinita
