Phlpost Love Express muarangkada sa Valentine’s Day

35

Davao City – Pinasahi nga surpresa ang lauman sa mga makadawat og bulak karong Valentine’s Day pinaagi sa Phlpost Love Express.

Sa interview sa Davao Media kang Rey Basilan, Market Specialist III sa PhlPost Postal Area 7 Eastern Mindanao Area, gibutyag niini dili lang plain flower delivery ang ilang buhaton ugmang adlawa, Pebrero 14, 2019 alang sa mga nagpabook gumikan sabayan nila kini og harana.

Matud pa nga ang flower delivery mudagan sa 300-1,600 pesos ang bayran gani og adunay dugang ipadala nga teddy bear ug chocolate wala kini additional nga bayad.

Gisaysay ni Basilan nga ang konsepto nahisubay sa tradisyong Pilipino ug buot nila kining magpabilin ingon man mabati sa mga hatdan nila sa Adlaw sa Kasing-kasing.

Apan gibutyag niini nga dili lang kini alang karong Valentine’s Day, mamahimo gihapon magpabook og adunay laing okasyon.

Dugang niini, mamahimo lang bisitahon ang Davao City Central Post Office sa may roxas ning dakbayan ug adunay area usab sa cities ug municipalities sa Postal Area 7.

RadyoMaN Renz Barbarona

Facebook Comments