Nagdepensa ang photographer sang pre-nuptial photos sang magkahaguma nga Billy Crawford kag Coleen Garcia matapos gin-ulan sang kritisismo ang pila sa iya mga kuha nga laragway sa pungsod Ethiopia.
Una diri, ginpakamalaut sang mga netizens ang pila sa mga laragway kon sa diin makita ang pila ka Ethiopian nga nakapalibot sa ila ukon indi gani yara sa ila likod.
Suno sa mga netizens, daw ginhimo kuno nga props ang mga Ethiopians sa photo shoot.
Sabat sa photographer, luyag lamang niya nga i-highlight ang katahum sang lugar kag sang mga tawo.
Apisar may mga bashers, nag-ani man sang pagdayaw ang mga kuha sa pre-wedding photoshoot bangud sa pagka-unique sang kaundan sini.
Madumduman nga nangin engaged ang duha sang 2016 kag plano nila magpakasal subong nga tuig sa maabot nga summer.
