Naiskandalo ang pila ka mga kongresista nga mas daku pa ang PHP250,000 nga bulanan nga sweldo sang information technology ukon IT consultant nga si Helen Macasaet kun ikumparar kay Chief Justice Maria Lourdes Sereno.
Suno kay House Justice Committee chairman Reynaldo Umali nga ang kontrata nga ini ni Macasaet ang makabig na nga pinakadaku nga ginsulod nga kontrata sang Korte Suprema.
Bisan si Leyte Rep. Vicente Veloso ang indi man mabatunan ang nasambit nga butang.
Suno kay Veloso, mas ginpili nga unahon ni Sereno nga hatagan sang daku nga sweldo si Macasaet kaysa sa mga mas importante nga kinahanglan sang hudikatura.
Pero nanindugan naman si Atty. Michael Ocampo, ang secretary sang Committee on Computerization sang Supreme Court, nga daku ang sweldo kay Macasaet bangud nga ‘highly technical’ ang trabaho sini. – RCSG
Like our official Facebook page: www.facebook.com/ifmbacolod943
