Gibutyag karon sa Philippine Information Agency Western Mindanao nga ang Enero 23, 2019 ug Enero 28, 2019 usa ka Holiday pero adunay Trabaho ug klase, pribado man o pampublikong tulunghaan.
Kahinumduman niadtong adlawng Myerkules Enero 23, 2019 gedeklarang First Philippine Republic ang mao nga petsa human nga gipirmahan ni Pamuno nasud Rodrigo Duterte ang R.A 11014 o usa ka akta nga nagdeklara ang matag enero 23 kada tuig usa ka Special working Holiday sa tibuok nasud Pilipinas
Niadtong Enero 23, 1899 na establisar ang First Philippine Republic ug nagmarka kini isip sinugdanan sa demokrasya ug kaugalingong pang gobyerno.
Ang First Filipino Republic gi inagurahan didto sa simbahan sa Barasoain, sa Malolos, Bulacan ilawom sa pagdulama ni kanhi Pres. Emilio Aguinaldo
Samtang sa laing bahin karong umaabot lunes, Enero 28, 2019 giila usab nga National Bible Day ug usa ka Special working holiday, pirmado ni Pang. Duterte ang R.A 11163 sa miaging tuig Dec. 20, 2018.
I obserba kini matag katapusang lunes sa enero matag tuig.
Kini nga balaod nahimo isip pag-ila sa kristiyanismo dinhi sa Pilipinas ug ang pinaka dako nga katolikong nasud sa tibuok Asya, giila usab niini nga balaod ang kamahinungdanon sa balaang bibliya isip kina-uyukan sa pagtulon-ang kristiyanismo.
Anaa sa 93% nga populasyon dinhi sa Pilipinas ang mga kristiyano.
Ilawom niining nga mga balaod isip Special working Holiday walay premium rate ang ipatuman alang sa mga empleydo.
