Davao City – Nilusad og moto priopio investigation ang Davao de Oro Provincial Internal Affairs Service (PIAS) sa pulis nga aksidenteng nakapusil-patay og sibilyan nga nahitabo sa Maragusan Municipal Complex, Davao de Oro niadtong November 24, 2022.
Sa interbyu sa DXDC RMN Davao kang PLTCol. Conrado Abadinas Jr., Davao de Oro Provincial Internal Affairs Service Superintendent, mamahimong mag-atubang og kasong administratibo ang suspek nga si Patrolman Ryan Domenise, personahe sa New Bataan MPS nga taga- Poblacion, Maragusan, Davao de Oro.
Matud ni Abadinas, ang pulis nakainom ug atol sa iyang pagbundak sa pusil sa lamesa nibuto kini ug naigo sa ulo ang nilabay nga 58 anyos nga biktima nga si Cervando Hinayon nga hinungdan sa iyang kamatayon. Niikyas ang suspek apan nadakpan kini atol sa hot pursuit operation.
Napasakaan na usab kini’g kasong Reckless Imprudence Resulting to Homicide.
RadyoMaN Aimee Guinita
Facebook Comments
