Davao City- Nakakostudiya na sa Mandug Police Station ang driver sa pick-up nga si Jake P. Celiz, 31 anyos human kining nakabangga og motorsiklo sa Ciudades Bypass Road, Brgy. Mandug, Buhangin District, Davao City, pasado alas 7 sa buntag, November 30, 2023.
Sa pakighinabi sa DXDC RMN Davao sa Mandug PNP, gikumpirmang dead on the spot ang driver sa motor nga giilang si Antonio M. Abadilla Jr, 34 anyos, residente sa Prk. 28 Bong-Bong Brgy Panacan, Davao City samtang angol sab ang pasahero niining si Jhonlex M. Del Pilar.
Sa imbestigasyon, nigula nga samtang pasaka ang pick-up sa dulhugon nga bahin sa kalsada, nasayrang mi-counterflow kini sa lane nga ginasubay sa motorsiklo hinungdan sa pagbangga sa duha.
Gisuwayan pa og tabang sa attending rescuers ang driver sa motor apan gideklara na kining dead on the spot.
Samtang ang pasahero, daling nadala sa Southern Philippine Medical Center (SPMC) aron magpaalim sa bun-og ug samad nga nahiagoman.
RadyoMaN Ivy Parido
Facebook Comments
