Davao City – Nabali ang liog sa usa ka driver human mibangga sa nakaparada nga water tanker ang iyang gimanehoan nga pick-up sa may kilometer 12 Indangan, Buhangin District pasado alas-3:00 ganinang kadlawon.
Daling giplasteran sa Medic Team sa Central 911 ang liog sa driver nga si BJ Mapili, hamtong ang pangidaron ug family driver sa pamilyang Baladia, dayon gihatod sa Southern Philippines Medical Center (SPMC).
Gikan sa South-bound ang biyahe sa biktima apan pag-abot sa maong dapit nakatagpilaw kini samtang nagmaneho resulta sa pagkabangga sa nakaparada nga water tanker sa Water District kilid sa Hidalgo Subdivision.
Gumikan sa impact, pirteng gubaa sa nawong sa pick-up nga mipasok sa atubangan sa tanker ug maayo na lamang kay adunay airbag ang sakyanan mao nga wala ra ma unsa ang pasahero niini gawas sa pagka angol sa driver.
RadyoMaN Joel Viray
