Pick-up nga nagapark sa kilid dalan nabungguan sang trak, 2 patay

SAGAY CITY, NEGROS OCCIDENTAL – Duha patay, duha pilason sang ginbunggu-an ang pick-up sang truck nga kargado sang tubo sa syudad sang Sagay.

Ang mga biktima amo sanday Antonio Dandoy, 65 anyus, isa ka pastor kag residente Brgy. Taculing, Bacolod City kag Samuel Tanjusay, 50 anyus sang Prk. Marang, Brgy. Bato, Sagay City.

Ang pilason amu sanday Raymond Villarin, 17 years old kag Arlo Distresa, 35 anyus kag residente sang Brgy. Paraiso.

Nahibalu-an nga naga-parking lang sa kilid sang dalan sa area sang crossing San Agustin sa Sagay City ang pick-up bangud aberyado ini sang hinali lang nga ginbungg-an sang tuman ka dasig nga truck sang tubo.