SUV nabalikad matapos mawarayan hin kontrol an driver

1920

TACLOBAN CITY – Bumunggo an usa nga SUV (Toyota fortuner 4×2) ha usa nga panimalay ha Brgy. San Roque, Tolosa, Leyte kakulop, July 16.

Subay ha report han Police Regional Office 8,ginkilala an driver han pick-up truck nga hi Romeo Estopito Manatad, may asawa, aada na ha sakto nga pangidaron.


Ginkilala naman liwat an upod nga pasahero hini nga hi Maria Elisa Manatad.

Nagawas ha inisyal nga imbistigasyon han mga otoridad nga ginbabaybay nira Manatad an kakalsadahan tikang ha Dulag, Leyte tipakadto ha Tacloban City.

Mauran kakulop tungod han malain nga panahon, mahulos an aspalto han kalsada sanglit nawarayan kontrol an driver han iya sarakyan rason nga nagpadalusdos ini ngan bumunggo ha panimalay ni Aileen Umbal.

Nagkurukaliding an nasabi nga behikulo ngan na angkon han driver ngan pasahero hini an magkadurudilain nga samad ha ira lawas.

Ha pagka yana, nagpapatambal hira ha Leyte Provincial Hospital.

Facebook Comments

From Advertisers