Davao City – Patay ang driver sa pick-up human aksidenteng maigo ang iyang gimaneho sa usa ka bus ala-1:15 samtang walo ang samaran kaganihang kadlawon nahitabo sa intersection sa Davao-Cotabato Road ug Digos-Diversion Road, Cogon, Digos City.
Sa report sa Police Regional Office (PRO-XI), ang mga namatay giila nga sila si Leo Compacion Onting, hamtong ang edad, ug laing Madeline Onting, 36 anyos, kinsa gideklarang dead-on-arrival samtang ang mga na-angol mao sila si Nicole Compacion, 17 anyos, Angely Compacion, 20 anyos, Rosel Compacion, 40 anyos, Elma Compacion, 42 anyos, Gabriel Compacion, 6 anyos, Kc Compacion, 13 anyos, Sofia Onting, 11 anyos, ug Madel Onting, 8 anyos.
Matud pa, naglawig sa Davao-Cotabato Road ang Ford Ranger pick-up gikan sa crossing Kapatagan paingon sa syudad sa Davao samtang ang King Long bus nagbyahe sa pikas lane paingon sa intersection lane sa Digos-Diversion Road paingon Nakayama.
Apan pag-abot sa nahisgutang lugar, aksidenteng nasagiran sa bus ang wala nga bahin sa van resulta sa wala pa matino nga damyos ug ang hinanaling kamatayon sa driver sa bus.
Daling gitabang ang siyam ka mga na-angol nga pulos sakay sa pick-up paingon sa Davao del Sur Provincial Hospital apan gideklarang patay si Maria Madeline Onting human gitabang sa attending physician.
RadyoMaN Jason Amisola
