Davao City – Magpahigayon og picket rally ang usa ka transport group dinhi sa syudad sa Davao karong adlawa.
Kini ang gikumpirma ni Transmission Piston XI spokesperson Ricardo Baron atol sa interview sa DXDC RMN Davao kaniya diin bisan pa man nakansela sa kaulohan ang transport strike, himuon sa maong grupo ang picket rally atbang sa buhatan sa Land Transportation Office (LTO-XI) subay gihapon sa hisgutanang Jeepney Modernization Program.
Sumala ni Baron, dili muubos sa 50 ka mga operators ug drivers dinhi sa syudad ang muduyog sa ilang pagahimuong rally.
Dugang niini, nagbahad usab sila nga himuon ang transport strike karong umaabot nga Enero, 2018.
Kahinumduman nga gikansela sa Transmission Piston sa kaulohan ang nationwide transport strike human miuyon sila nga sa senado nalang hisgutan ang ilahang mulo kabahin sa PUJ modernization.
RadyoMaN Renz Barbarona
