ILOILO City – Wala sang nagfile nga kandidato sa pagka SK chairman sa duha ka barangay sa syudad samtang isa ang wala gid sang kandidato sa ano man nga SK positions.
Maluwas diri may walo man ka barangay nga wala sang kandidato sa pagka SK kagawad.
Ang duha ka barangay nga wala sang kandidato sa SK chairman amo ang Libertad Sta. Isabel sa Jaro kag Tanza Timawa City Proper.
Wala naman sang bisan isa ka kandidato sa ano man nga SK position sa Brgy. Libertad Sta. Isabel.
Lunsay naman SK chairman ang nagkandidato sa walo ka barangays nga ginalakipan sang Libertad Sta. Isabel, Desamparados, kag Maria Cristina sa Jaro District; Magsaysay sa La Paz; kag Yulo Arroyo, President Roxas kag Sampaguita sa City Proper.
Subong man ginpasalig ni City Election Officer Atty. Reinier Layson nga magapadayun sa gihapon ang election sa sini nga mga barangay.
Paathag ni Layson ang papel sang COMELEC amo ang pagdumala sang election kag ang pagfill-in sang bakante nga posiston ara na sa Department of Interior and Local Government.
Sa kabug-usan nga 1,440 ka posisyon sa SK sa syudad, 1,142 lamang ang kabug-usan nga kandidato nga nagfile sa SK elections.
Nagakahulugan ini nga may kulang nga 298 ka kandidato agud pun-an ang amo nga mga posisyon.
Photo from web
