i Balita September 09, 2018 (Photo From Web. No Copyright Infringement Intended)
Nag-apelar sa gobyerno ang pila ka grupo sa agrikultura nga magpatigayon sang price control sa bugas kag pagpanubo sa presyo sangn krudo.
Ini matapos naghampak sa 6.4% ang inflation sang nagligad nga Agosto.
Suno kay Samahang Industriya ng Agrikultura ukon SINAG chairman Rosendo So, ini agud mapunggan ang problema sa madasig nga pagtaas sang presyo sang mga balaklon.
Suno naman sa grupo nga Bantay-Bigas kag Philcograins, dapat ang price control sa bugas yara sa 34 tubtub 38 pesos lang agud makabakal sa gihapon ang mga ordinaryo nga mga konsumidor.
Apang paathag sang Department of Trade and Industry ukon DTI, mangin daku nga bulig sa mga consumer ang ginhimo nila nga price holding sang mga nagapanguna nga balaklon kasubong sang mga de lata, noodles kag kape tubtub sa Disyembre 1.
