Pila ka mga persona, nagpatindog sang tulda ukon tent sa monumento ni Dr Jose Rizal sa atubang sang provincial capitol!

65

Roxas City, Capiz- Pila ka mga persona ang nagpatindog sang tent malapit sa monumento ni Dr Jose Rizal sa atubang sang provincial capitol.

Suno sa deputy spokesperson sang Bayan-Panay nga si Bryan Bosque, magadugay ang ila nga pagtiner tubtob sa adlaw sang Biernes.


Panawagan sang mga ini sa gobyerno nga hatagan ang mga desperado na nga mangunguma sang bulig.

Suno kay Bosque, nangin apektado ang mga mangunguma bangud sang naga-epekto nga El Niño phenomenon.

Dismayado man ang mga ini bangud wala sang napaguha nga calamity fund.
Nakahanda naman ang mga ini nga makigdayalogo sa gobyerno sang probinsya agud nga mabatian ang ila hibubun-ot.

Ginpahayag dugang ni Bosque nga ang pagkampo nila ang makabig nga pagpanghangkat sa mga nagapungko nga opisyales sang probinsya angut sa malapnagon nga panawagan nga maka-agum ang mga mangunguma sang binhi kag bugas nga makasapin-sapin sa panahon nga ginagutom sila samtang wala pa ang mga ini sang patubas.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers