Roxas City, Capiz – Pila ka mga persona nga wanted bangud sa kaso ang ginpangdakop sang mga kapulisan sa Capiz.
Alas 8:30 sang aga sa Brgy III Roxas City, arestado sa kaso nga frustrated homicide si Ariel Unarce y Valderama, 23-anyos samtang gindakop man ang utod sini nga si Arnel Unarce y Valderama, 25-anyos samtang yara sa nagatinir sa Sitio Agbalangay, Mianay, Ivisan, Capiz.
Dakop man sa Brgy Barasan, Pototan, Iloilo ang wanted person nga si Dan Pilar y Malones, 44-anyos bangud sa kaso nga murder.
Ginserbehan sang warrant of arrest ang isa pa ka wanted nga persona nga si Jacklin Elauria y Alatiit sang Brgy Lawaan bangud sa kaso nga rape kag frustrated murder.
Samtang alas 2:30 sang hapon sa Brgy Quinabonglan, Maayon, ginserbehan sang warrant of arrest ang Top 10 Most Wanted Person sa amo nga banwa nga ginkilala kay Rodnie Demayo y Alicto, 32-anyos bangud sa kaso nga homicide with the use of unlicensed firearm.
